img_8323

唔覺唔覺陰啲陰啲,突然發現《炯叔叔有話說》個Facebook Page已經超過1000個Likes。搞到我地班叔叔同阿靚姐wewe wawa開心咗一陣。

之後溫叔叔、聰叔叔、阿靚姐同艾爺,齊齊叫炯叔叔寫篇賀稿。但係諗來諗去我都唔知要寫乜(同時,炯叔叔心諗,賀稿乜唔係人哋寫俾我哋嘅咩?點會係自己寫架?又搵我笨)。

或者你會話, 超!1,000個Likes好叻咩?1,000個Likes買唔買到樓先?(王晶肯定會咁問我地)。

買唔到樓架。

不過,我哋知道有1000+個人可能因為睇到我哋嘅文/轉貼/相片/無聊笑話,每日可以一齊大聲笑細聲笑陰陰笑暗笑一分鐘,可以一齊同聲同氣破口大罵士多啤梨香蕉蘋果橙一分鐘,可以一齊觸動心靈眼淚在心裏流一分鐘,可以一齊懷緬過去常陶醉70、80、90年代嘅音樂電視電影一分鐘,可以一齊分享冷知識生活小貼士旅遊攻略一分鐘,可以一齊分享湊仔湊女湊BB湊細路經一分鐘。。。

每日,我哋可以同你地一齊過嗰幾分鐘幾開心呀(雖然每日呢幾分鐘買唔到樓)

炯叔叔要特別多謝溫叔叔、聰叔叔、阿靚姐同艾爺,因為有佢哋好天真好傻咁陪我玩埋啲咁嘅嘢,呢個blog同呢個FB Page先可以堅持咁耐。如果得炯叔叔一個人,可能已經執咗笠十九幾年。

最後,梗係要多謝讀者啦。好行好老土但又好真嘅咁講,有好多讀者從未見過面但係好似已經識左好耐咁。

Madeline, Louisa, Edmund, Nicole, Ken, CK, Peggy, Jacqueline, 軒樂陸,RCat,Eric,Josephine, Shin Hing, William, Alex, Grace, Tsz Hang, Christy, Pauline, Aaron, Vicky, Hoi Kit, Lemon Tea…. 仲有好多好多好多好多好多不能盡錄。

Anyways, 謝謝謝謝謝謝謝謝謝謝謝謝你哋嘅支持。

好,你放長雙眼睇下我哋可以繼續堅持幾耐!(同幾時可以靠《炯叔叔有話說》發達買層樓啦 哈哈哈)

Like_Us_Facebook