IMG_3901

金句年年有,今年特別多,尤其是「騎呢」那些。2015年已經接近尾聲,就趁此機會回顧一下,選出我的心水《2015年十大騎呢金句》。

10.「東京有兩個公園好靚㗎,呢個時候去都好靚㗎,嗰晚我去呢,個湖邊好靚,夜晚睇星好靚,啲紅葉影咗啲燈好唔同,好值得去。」

— 「好靚」、「好正」、「好靚」……,雖然局長自稱每月睇30本書,但看來他吸收不到書中的表達技巧,令自己用詞如此貧乏。

9.「呢個絕對唔係網絡23條,你哋絕對唔好將一個天使,俾咗一個巫婆嘅帽佢戴。」

— 所以屬於「一次創作」的「降龍十八腿」都受到天使的保護。

8.「如果自己後生啲,可能已是facebook創辦人。又如果自己是90後,便有機會做特首。」

— 聽呢位阿哥咁講差啲唔記得佢曾經破過兩次產。

7.「只要市民終生飲用的食水含鉛量平均每公升不超過10微克,若一生拉勻計,飲用水的含鉛量低於這指引值,則不需太擔心,不會對健康有明顯影響。」

— 相同邏輯下可以應用在「吸毒」、「啪丸」、「飲酒」、「吸煙」……………。

6.「如果含鉛適中,係咪有助延年益壽呢?」

— 呢次真係「日日keep住飲,藥箱都會變成首飾箱!」

5.「根據全球學術界最權威的impact factor(影響因子)來計算,陳文敏平均每年的影響因子是0.0038,他從事學術研究21年,我剛於2000年開始,15年教齡,我的影響因子超過0.05,是陳文敏的200倍。請你google search,睇impact factor。」

— 有呢位人兄做大學教育學院副教授,真替呢間大學啲學生擔心。

4.「And after the event, I really didn’t see him showing any sympathy for the council members, and in particular… I …myself ….」

— 老闆腸胃炎我都沒有問候佢,沒有”show sympathy”,唔怪得升職冇我份啦。

3.「精神病醫生係最多會患精神病,因為經常聽精神病人講嘢,聽到自己都黐線。」

— 聽得呢位議員講嘢多我都會黐線。

2.「官到無求膽自大。」

— 身為為市民服務嘅政府高官竟然「無求」,市民唯有自求多福。

1.「非常羨慕深圳發展速度,如果香港做到一半已經很好。」

— 聽到呢句,想起佢另一金句:「有時真係忍唔住笑」。

Like_Us_Facebook

Other Links

2015大事回顧《Top 10 Most Liked面書貼相》

2015大事回顧《完全無audit 的Top 10》

《炯叔叔有話說》每日的1000+分鐘

新年願望 • 他和她和它的新年願望。。。

新年願望 • 早睡早起

新年願望 • 身心康泰

新年願望 • 馬上實現

《炯叔叔有話說》2014 大盤點

《炯叔叔有話說》2013年大盤點