一場中港大戰响Facebook足足洗板洗咗一日。好多人响Facebook撐港隊,好多人响Facebook鬧爆特首高官唔敢表態,好多人响Facebook講噓國歌。。。

炯叔叔睇波睇得最多嘅時候係響80年代,係睇南華vs精工vs寶路華同睇胡國雄尹志強顧錦輝耶穌嘅年代。

比較之下你就發覺今日嘅香港真係病得好嚴重。點病法?

1)先唔好講班高官表唔表態,以前嘅傳媒邊得閑理D高官撐邊隊,因為根本就唔係newsworthy!你話以前邊有人理尤德陳方安生夏鼎基鄧蓮如鍾逸傑撐邊隊?!

2)以前啲高官話睇波就入場睇波,點似而家連講一句好簡單嘅嘢都要咁spin法?

3)以前邊有球迷得閑噓國歌(God save the Queen!),話知你播乜嘢歌,嗱嗱臨播完快啲開波好過啦!

4)以前入場睇波邊度需要分開入場分開坐分開走河水不犯井水?重要咁浪費警力出動咁多差佬嚟維持秩序分開楚河漢界?(政府仲講中港融合?)

5)以前只有一班狂熱球迷(aka 麻甩佬)睇波,而家變成全城男女老友左右中間嘅identity問題(當然,多咗好多後生靚女睇波炯叔叔非常開心😍)

所以點止中港大戰咁簡單!

炯叔叔突然想起八六年的世界盃外圍賽嘅中港大戰,我響Wikipedia裡extract一段出嚟

1986年世界盃

四年後,香港在1986年世界盃外圍賽亞洲區第四A組中與中國隊、澳門及汶萊同組,進行主客兩循環分組賽。由郭家明帶領以老將胡國雄、劉榮業及張家平等為主的香港隊於1985年2月17日在主場0-0守和中國展開序幕;接着分別主場8-0及作客5-1大勝汶萊,在主場一役,首次代表香港上陣的麥勁勳個人獨取4球;接着再於主客兩場同樣2-0擊退澳門。

最後一場於1985年5月19日作客北京工人體育館,製造出震驚中外的「五一九」事件,無線電視、香港電台及商業電台均進行現場直播,賽前兩隊同為5戰4勝1和同得9分,中國隊在得失球差以6球佔先,只需賽和即可順利出線,而自1980年以來香港對中國未嘗一勝,但郭家明看準中國隊在主場觀眾壓力下必定採取進攻策略,以穩守突擊與對手周旋,上半場19分鐘香港隊在離門25碼獲得自由球,胡國雄撥交張志德射入先拔頭籌;31分鐘中國隊李輝門前「執死雞」扳平1-1;下半場開始下雨,戰至60分鐘,顧錦輝迎接一個中國隊解圍球順腳抽入成2-1;其後中國隊狂攻,球證補時長達5分鐘仍不能追平,香港奪得小組冠軍,此役是香港足球史上其中一場最經典的賽事。

睇字唔夠喉?去片!

 

Like_Us_Facebook

Other Links

曼聯 • 回歸

世界盃【德阿決戰】之《一隊人 vs 一人隊》

【世界杯最強】之冠軍背後

香港唔可以冇咗電車!

《紅•白•藍》is the Message

望左望右望前望後Spandau Ballet演唱會後記