「呢個將會係我哋一個”once-in-our-lifetime-experience”」

這句話是炯叔叔幾個月前知道Spandau Ballet將會來港開演唱會時跟聰叔叔和溫叔叔說的,潛台詞就是,一定要睇。

其實,我們三條飲New Romantic Music奶水大的中坑,真係點可以有excuse唔去?重有,Spandau Ballet班老鬼平均年齡55歲,都唔知重捱得幾多年。

結果,昨晚去了。

不不不,炯叔叔今次不想講個concert點好點好,將我D80年代情意結重複重複再重複。我想講係我在場館裡見到幾件古怪事。

1)D細路真係好悶咯

係,D阿爸阿媽可能真係好鍾意Spandau Ballet,但係D細路識呢班啊伯條鐵咩,帶埋佢地去睇結果咪。。。


2)睇演唱會?梗係手機睇先

炯叔叔可能真係好 out(好 out呢個term本身已經好 out)。原來而家睇演唱會係個個舉手隊部手機出黎睇手機個Monitor,唔係睇個人嘅。

最最最搞野係我前面條友一直影著佢前面𠴱個人隻手都重堅持影落去,厲害厲害!

 3)呢條粉皮。。。

從開場到散場,前面有一條粉皮成日舉起張碟,擋住後面睇嘅我,真係不知所謂。炯叔叔之後金睛火眼咁想睇下佢邊個咁冇公德心,發現原來係蔡一傑!

What’s more, 之後發覺原來佢成日喺度拎住張唱片喺度影相,頂佢個肺咁我就知道佢居心何在嘞 – 抽水宣傳咯!

  (擋住後面)

  (為什麼炯叔叔話蔡一傑想抽水搏宣傳呢?昨晚杜德偉也有去,但比蔡一傑低調得多)

結果,炯叔叔望左望右望前望後,咁就看完演唱會了。

p.s. 老實說,Tony Hadley 其實唱得真係麻麻,無乜氣,又潛水(用音樂蓋住自己把聲潛入去)又避高音。可能是他老了,但我們幾個叔叔覺得其實他沒有好好保養把聲,飲酒太多(純粹拍腦袋猜測)。但作為他們的Fans,我地都係覺得Good Show!!!

Like_Us_Facebook

Other Links

關於《True》的二三事

如果你淨係識MK Pop同K-Pop,你點算夠Pop呀?!

剎那光輝的”The Assembly”

80s偶像 – 田原俊彥

一代歌姬 – 中森明菜

誰是Rio?

“Do They Know It’s Christmas?”三十週年

20個價值觀的分別(中坑必讀)

在Hokkaido的三件小事

我與她的主題曲