報載,薛國強在媒體訪問中有以下語錄。如果炯叔叔在場我會同佢講。。。

薛國強話:「我有朋友住港島,自己一直無住過」

炯叔叔話:「沒有吃過豬肉,也應該見過豬跑。」

薛國強話:「你成日講懷舊,懷舊,又唔諗下點解地下鐵要興建」

炯叔叔話:「吓?起地鐵時有話要拆電車咩?幾時話係二選一?咁如果你個仔長大了,佢嫌你慢手慢腳,係唔係要將你報廢?」

薛國強話:「點解電車唔重組?最徹底重組咪搬走佢囉。如果電車冇同地鐵重覆,仲有保留價值」

炯叔叔話:「咩話?同地鐵重覆就要搬走?咁巴士呢?小巴呢?啊薛生,其實,市民可唔可以有選擇呢?有人鍾意行快D,有人鍾意行慢D,有人鍾意俾貴D,有人鍾意俾平D,有人介意在地鐵站裡跑上跑落要行好耐(我),有人鍾意落站後唔駛點行,有人介意坐地鐵站黑蒙蒙冇嘢睇(都係我)有人鍾意坐電車有得睇街。。。算啦,講你都唔明」

薛國強話:「電車唔用電架?廢氣喺發電廠排放咋嘛」

炯叔叔話:「啊薛生,咁係幾多呢?講清楚D得唔得?」

薛國強話:「我唔知擠塞源頭係邊度,只係知佢(電車)係擠塞原因之一」

炯叔叔話:「呢句野有D邏輯問題。到底你係知定唔知呢啊薛生?呢D講野方法其實好女人 「唔好問我點解,我淨係覺得你無以前咁愛我」」

薛國強話:「電車塞車係咪真係停咗喺度呀?咁係咪行路快過你搭電車呀?」

炯叔叔話:「有深度有深度。你係唔係講緊「龜兔賽跑」個古仔?」

薛國強話:「無可奈何要接受電車被洶汰,大家唔接受,我真係覺得抱殘守缺呢個形容詞好啱」

炯叔叔話:「「抱殘守缺」定應該係「腦殘自決」呢?」

薛國強話:「城規會否決我N咁多次我都照入(申請)」

炯叔叔話:「我同你一樣咁有毅力。全港好多市民已經鬧過你N咁多次我都照插(你)」

薛國強話:「一年都唔知有冇搭一、兩次(電車)。點解咁多交通工具要搭電車啫,你估仲係拍拖時代。」

炯叔叔話:「點解咁多人死唔見。。」

 

Like_Us_Facebook

Other Links

香港唔可以冇咗電車!

時事炯評之「天津大爆炸。食物。毒」

應該為天津的死難者🙏🙏🙏嗎?

炯叔叔潮吹英語之「衝擊波」

事實炯評之「謝賢。曾江。拳」

要防止自己與仔女日日吸毒!

炯叔叔潮吹英語之「我愛胳肋底毛」

曼聯 • 回歸