IMG_8834

艾爺:就係那個可能大家係各大媒體見過,但又上到去無開門懶有性格的cafe X studio的主持人,現時行走江湖的title係:懂操作相機的咖啡師。

 

無驚無險,艾爺的coffee corner營運左剛剛一年。

相信開一間悠閒有型的cafe,享受著午後陽光從窗戶曬進,邊看村上春樹的大作邊嘆咖啡的溝死女影像,大家或者成日都會幻想下,仲會搭句第時有錢的話就一定開間。通常講呢D的人都只不過係想扮下野扮下有品味,10個著左10個最後都係每日繼續做返咸魚⋯⋯

其實大家對cafe有太多暇想,其實開一間cafe係好多麻煩野架。

客少時你會擔心唔夠交租,有時間都諗下救亡,仲點會走去睇春樹兄,

有陽光時怕冷氣唔夠凍,落雨時怕無客,就算有客又整到濕晒,

裝修得靚靚有型,點知又引來一大班龍友o靚模,攪足一日,煩死人

以上都係常見情況,或者再同大家分享下一D經典,

有少女姨媽到竟然將巾巾掉進馬桶,大姐呀,咩年代呀,仲要人教?

又有大叔一黎到落單,好似考牌咁問你咩豆咩豆,仲要寸咀個隻,最無型係知你識呀邊個邊個咖啡達人就當同你friend左,挑!

亦有咖啡同行黎踩場,明明好熟咖啡,又要扮唔識⋯⋯

同樣有攝影行家黎到以不可一世的目光直掃你全身,「做咩撈唔掂攝影走去沖咖啡」的表情呼之欲出。

其實做左一年,真係咩都會發生。

雖然有好多麻煩事,但艾爺仍然很開心舊年走出呢一步,只要看見有新客人推門進來時暗呼”嘩,好靚呀”,那已經很大的滿足。

試過有年青少女竟邊喝咖啡邊聽艾爺講人生道理;有客人去旅行後送來手信;有客人親手燒陶瓷茶壺送我用來裝精品咖啡;亦有客人每星期到來吹水喝啡而變成朋友;也有熟客帶英國來港旅遊的外國朋友體驗一下香港特色小店⋯⋯

最後想講,其實艾爺並無過人之處,一直只是符符碌碌,但對事總有一份堅持一份執著,人家比面就話你有個性,其實即係”怪老頭”。

之前做過一個電台訪問,有提到攪呢個coffee corner的心路歷程,有興趣的朋友可以去聽下。

https://vimeo.com/82262691

IMG_9156

 

 

Screen Shot 2013-09-30 at 1.31.04 PM

Other Links

水墨.華山

觀。其變

新年影多d相喇喂

桂林山水甲天下,桂林人潮逼逼吓!

DocuPregnancy

真係有商機喎