IMG_8834

艾爺:就係那個可能大家係各大媒體見過,但又上到去無開門懶有性格的cafe X studio的主持人,現時行走江湖的title係:懂操作相機的咖啡師。

既然這裡都係叔叔嬸嬸,咁我都要起返個朵﹣艾爺。

炯叔叔之前已預告我出現,有興趣的朋友可以去我FB專頁碌碌,短短幾個月做左廿幾個訪問,橫跨報紙雜誌電台電視網頁各式各樣的媒體,都可以愛黎威下扮下嘢^^

賣完廣告就返正題喇~~

比大家睇張靚相先。

specialty coffee-3-2-2

大家一定以為呢張相係好專業的燈光設備及專業攝影器材拍攝,再加好多次專業PS先做到呢個效果。其實呢張相好易影,只要你有一台數碼單反(艾爺這次用的只是6D,肯定好多人的機都貴過這部),加一部IPHONE(其實能發光的就可以,但艾爺是蘋粉),同一個全黑的環境就可以喇。好,馬上公開拍攝步驟:

﹣先找一個全黑的環境。記住,全黑的意思係你除晒所有衫褲都唔怕比對面大廈的人見到

﹣將咖啡壺放好固定的位置,當然你要放咩影咩就任你喇

﹣相機固定放好在對面 (係“固定”,可用腳架或書枱等等)

﹣快門設定為“B” (是的,總需要少少攝影知識吧。)

﹣把手機的電筒APP打開,並走近咖啡壺,沿著邊一直照一直掃

﹣完成後拿走咖啡壺,預備拍攝第二張

﹣在全黑的空中以IPHONE寫字 (有點虛無呢。點解張相每個生字後都有紅點?大家試過後會找到答案~~)

﹣最後將2張相簡單PS下就可以了 (同樣,總需要少少PS知識吧。)

其實呢個拍攝方法叫“light painting”, 大家有興趣的話可隨便上網搜尋下,會有好多好正的作品比大家參考呢。

無呃大家,艾爺這次是第一次用這手法拍攝,只是用了1個多小時就完成了。而且還有意外收獲,就是艾爺於空中龍飛鳳舞寫字竟然比在紙上寫好看⋯⋯吹漲。

下次會試下影裸照,勾返BODY條線條出來,又見唔到樣。哈哈。

各位女讀者見到千祈唔好叫:哎⋯⋯耶⋯⋯

Screen Shot 2013-09-30 at 1.31.04 PM

Other Links

桂林山水甲天下,桂林人潮逼逼吓!

DocuPregnancy

微距王小G入花叢

《大鬧天宮》用荷里活特技?三十年前已經用啦!

旅遊筆記︰台北莫內畫展(至2014年2月16日)