Image

“BB,我哋今晚碧蒂雅芳等咯”

“乜話? 乜叉鼻涕阿當話??”

朗豪坊商場即將開業的Beauty Avenue中文名字翻譯為“碧蒂雅芳”,全城想死(炯叔叔無估錯的話,應該連D員工都唔敢話比親戚朋友同條仔/女知佢地向嗰度做)。

當大家鬧爆香港地越來越“潛移陸化”的同時,你知唔知自己有幾“”呢?( 聽過“紅紅陸陸,愛港力衣服”未?)

好彩而家科學倡明,膽固醇可以驗,糖尿可以驗,連“陸化”都可以“驗陸即知”。好啦,今日炯叔叔就醒你地一個“一分鐘陸化測試”,睇下你“陸化指數”有幾高,再比D意見你啦。

好簡單,以下呢45個用詞中,你平時不知不覺咁會常用幾多個呢?

老外、發布會、團隊、抓緊、有意見、確認、說法、方案、亮點、到位、平台、他殺、伙伴、國外、單位、水分、小三、標竿、爬山、氛圍、拉拉、嫉妒、媳婦、賴皮、給力、水平、私了、打折、地道、板塊、月嫂、餐巾紙、起跑線、鑽空子、潛台詞、重口味、動真格、發郵件、環比、同比、匯報 、通報、達標、超標、重中之重、亂七八糟、一步到位、第一把手。

測試結果:

燈燈燈凳!好緊張噢!如果你係。。

a)一個都無?(0%)

唔係化?!一個都無?咁你應該係。。。港-獨-分-子!

炯叔叔私人醒貼士: 你知啦,《炯叔叔有話說》咁爆,每日閒閒地都十九幾千萬人睇,讀者好有可能包括禿鷹呀、休班差佬呀,準備退休探長呀咁。。。佢地有可能已經用緊超級C眼追蹤緊你,所以你需要馬上close咗 《炯叔叔有話說》,拿拿林close咗《炯叔叔有話說》啦!!!之後delete埋個harddisk,再馬上將部腦掉落街,[拿拿拿,試到你啦! 如果你有照做,點解重可以讀到呢句呢?]

如果你用iPhone 5s(尤其是金色嗰隻)看《炯叔叔有話說》,就請馬上交部5s比炯叔叔幫你保管,等十年八年風聲無咁緊後,再還番比你( 炯叔叔夠雷唔收你保管費)。

b) “OK啦,講一D唔講一D咯” (<30%): 依照我地嘅評估,你重係“陸化” 初期,重有得救。

炯叔叔私人醒貼士: 雖然話係“陸化“初期,但係可大可小。唔好好治理,隨時惡化成為“陸陸無窮”!所以你要馬上俾十萬八萬炯叔叔幫你祈個福,將D陸氣化咗去。如果你係女嘅又波大無腦,樣貌省鏡,炯叔叔更可以勉為其難同你做個陰陽雙修,七七四十九次後,炯叔叔包你陸氣全消,精神爽利,有蟲痾蟲,無蟲開胃,重可以排毒去脂,好過搵張玉珊!

c) “無話講幾多嘅,有好多個詞而家都好普通架啦” 31%70%: 哇哇哇,你已經係“港皮陸骨”、“港肉陸血”、“港精陸蟲”!

炯叔叔私人醒貼士:為了你的前途,炯叔叔建議你馬上加入愛港力、青關愛、禮義廉、幫港出聲。。。包你前途光明。如果你係有你有我有情有生有死有義(噢,對不起,呢套太90年代),應該係如果你夠薑夠惡,重可以跟埋樹和哥向元朗搵食添。

d) “D詞我日日講架啦,都唔知你問乜?”100%- 同志們,香港歡迎您!

炯叔叔私人醒貼士:炯叔叔可以帶你們去海洋公園、迪士尼、買iPhone、Galaxy 4S、化妝品、奶粉、金、豪宅。。。請多給消費。

。。。。

其實我地不知不覺咁日日被陸化洗腦。。。

Screen Shot 2013-09-30 at 12.00.40 PM

Other Links

你睇D女幾型!(02)(最新出爐!)

簡單道理:奶粉銷售壓力測試定係“呃你測試”? (港爸媽必讀推介)

香港定位 WTF (WTF推介)

香港真的衰落了? ?(正正經經推介)

誰的合約比TVB更霸王???(堤防比人呃推介)

簡單道理:藝人在強國被夾抵死嗎?(藝人死得不明不白推介)

簡單道理:班旅客鬧乜野啫?(鬧爆推介)

簡單道理:點解唔覆你WhatsApp? (我知男女人心推介)

簡單道理:湯顯明喜歡食屎 (廉處保密推介)

線。性。聯想 (I) (想入非非推介)

Joey! Joey! 妳好Q呀!!! (Joey fan屎 鬧爆推介)

各位觀眾,王征原來係。。。整蠱專家!

亞視是香港的水晶球!