689最近聽說民間有一套電影很火叫什麼《狂舞派》。為了想了解民情,所以他又“微服出巡”溜進戲院里看看到底這是什麼反革命毒草。

完場後,所有觀眾已經離開了戲院。但689卻一個人靜靜坐在黑暗的角落里熱流盈眶,腦海不斷浮現著那一句最打動他心坎的對白。

“為了跳舞,你可以去到幾盡?”。

翌日,689召集了所有人馬到辦公室,一個一個問。。。

689: “波叔,為了可以响郊野公園起公屋,你可以去到幾盡?”

波叔:“我可以講香港發展用地9成係郊野公園!包有人信!”

689:“ 成成,為了支持波叔,你可以去到幾盡?”

成成:“Sorry Sir! 我以前做紀律部隊所以唔熟呢行。但我可以做個超級橡皮圖章,見野就Stamp! Stamp! Stamp!”

689:“白頭佬,為了打散佔中班書生,你可以去到幾盡?”

白頭佬:“哦,簡單啦!我可以集齊所有金主,日日向全港報章賣全班廣告,一直賣到2017都得!我地大把錢,我係正嘅! 嘿嘿嘿嘿嘿!”

689:“ 禿鷹,為了打擊班刁民,你可以去到幾盡?”

禿鷹:“我可以搵班休班/退休有牌爛仔做無間道,又可以見佢地一講粗口就拉,一大聲就用音波炮,另外我重有殺手鐧 。。。黑影影影影影!!!”

689:“鼠王芬,為了打擊班學生搞政治,妳可以去到幾盡?”

鼠王芬:“我可以用我苦練多年嘅子喉,不斷唱唱唱衰通識科,唱衰佢教壞細路,唱衰佢教人上街,一直唱衰到佢取消為止”

689:“ 黑哨曾,為了打擊班激進派拉布,你可以去到幾盡?”

黑哨曾:“我已經買咗把杭州張小泉鉸剪,不管是男是女,是攣是直,總之一見到就剪!”

689:“ 小王,為左搞垮一個電視台,你可以去到幾盡?”

小王:“這個嘛。。。其實我已經搞到零收視了。這樣吧,以後我動員全台人看CCTVB,來個負收視!哈哈哈”

689:“小克,為左推行國民教育,你可以去到幾盡?”

小克:“哦,我會越來越鬼祟咁進行,得閒插個role play要d學生好熱血咁扮紅衛兵、跳忠字舞、唱革命歌。。。”

到最後一位,689很深情的看著她問:

“麗芸,為咗我,你可以去到幾盡?”

麗芸一向敢愛敢恨,義無反顧說:

“如果你係柒良,我甘心當你身邊嘅啊花,一生一世陪你。。跳老舞!”

Screen Shot 2013-09-30 at 1.31.04 PM

Other Links

桂林山水甲天下,桂林人潮逼逼吓!

整蠱電話 x Twin Peaks

歡樂年年【年三十海底撈月財神到篇】

粵語只係一種方言?定係教育局嘅係謊言?

何偉龍對炯叔叔的aspiration